اسلام آباد ۔ 19 فروری (اے پی پی) وزیر مملکت تعلیم بلیغ الرحمان آکھے جو حکومت ملک اچ تعلیم دے معیار کوں چنگا بنڑاونڑ کیتے بھرپور کوششاں کریندی پئی ہے اتے ایں بارے وفاقی سکولاں دی بہتری اُتے ارباں روپے خرچ کیتے ویندے پئے ہن ۔ اتوار کوںآپنڑیں ہک انٹرویو اچ انہاں آکھیا جو پاکستان مسلم لیگ ن دی حکومت ملک اچ تعلیم دے شعبے دی ترقی اُتے بھرپور توجہ ڈیندی پئی ہے ۔ انہاں آکھیا جو تعلیمی اداریاں دیاں لیبارٹریاں اتے لائیبریریاں کوں ساریاں جدید سہولتاں ڈیونڑ وقت دی لوڑ ہے ۔ ہک سوال دے جواب اچ انہاں آکھیا جو وفاقی تعلیمی اداریاں دی اپ گریڈیشن ،بہتری اتے انہاں اچ سہولتاں ڈیونڑ اُتے خاص توجہ ڈتی ویندی پئی ہے ۔
مضمون کا ماخذ : میگا مولا۔
