اسلام آباد۔5جنوری(اے پی پی) وزیر خارجہ بلاول بھٹو زرداری جموں و کشمیر دے عوام دے حق خود ارادیت کیتے حمایت دے عزم دا اعادہ کریندے ہوئیں ایں امر تے زور ݙتے جو عالمی برادری بالخصوص اقوام متحدہ اپݨے وعدیں تے عمل کرے اتے ایجھے اقدامات کرے جیں توں جموں و کشمیر دے لوکاں کوں اقوام متحدہ دی سلامتی کونسل دیاں قرارداداں دے مطابق حق خودارادیت گھنݨ کوں یقینی بݨایا ونڄے ۔ یوم حق خود ارادیت دے موقع تے آپݨے پیغام اچ انہاں آکھیے اڄ دے ݙینھ 1949 اچ اقوام متحدہ دے کمیشن بھارت اتے پاکستان (یو این سی آئی پی ) متفقہ طور تے اقوام متحدہ دے زیر اہتمام آزادانہ اتے غیر جانبدارانہ استصواب رائے دے ذریعے کشمیری عوام دے حق خودارادیت دی حمایت دی قرارداد منظور کیتی ہئی ۔انہاں آکھیے جوحق خود ارادیت بین الاقوامی قانون دا ھک بنیادی اصول اے جیں کوں بین الاقوامی انسانی حقوق دی دستاویزات اچ برقرار رکھیا ڳئے ، اقوام متحدہ دی جنرل اسمبلی حق خود ارادیت متعلق اپݨی سالانہ قرارداد اچ ایندی توثیق کیتی اے ۔وزیر خارجہ آکھیے اے ݙینھ عالمی برادری خصوصاً اقوام متحدہ کوں جموں و کشمیر دے عوام دے عزم دے احترام دی لوڑھ کوں اجاگر کریندے ۔ بھارت دے غیر قانونی زیر تسلظ جموں و کشمیر تے بھارتی قبضہ دے گزریل 75 سال کشمیری عوام تے جبر دی ھک افسوسناک داستان ہن۔ انہاں آکھیے بھارت مقبوضہ جموں و کشمیر اچ دہشت دا بازار گرم کر رکھیے تے انہاں مظلوم لوکاں کوں حق خودارادیت دے اپݨے ناقابل تنسیخ حق دا استعمال کرݨ تے عزت دی زندگی جیوݨ دا حق ݙیوݨ توں انکاری اے ، بھارت 5 اگست 2019 کوں غیر قانونی اتے یکطرفہ اقدامات کیتے، بھارت کشمیریاں کوں آپݨی ہی سرزمین اچ ھک بے اختیار اقلیت اچ بدالݨ کیتے مقبوضہ وادی اچ آبادیاتی اتے سیاسی تبدیلیاں کریندا پئے ۔بلاول بھٹو آکھے اے ایلھا اے جو عالمی برادری بالخصوص اقوام متحدہ اپݨے وعدیں تے عمل کرے تے ایجھے اقدامات کرے جیں توں جموں و کشمیر دے لوکاں کوں اقوام متحدہ دی سلامتی کونسل دیاں قرارداداں اچ درج حق خودارادیت گھنݨ دے قابل بݨایا ونڄ سڳے ۔ انہاں آکھیے پاکستان اقوام متحدہ دی سلامتی کونسل دیاں قرارداداں دے مطابق آزادانہ اتے غیر جانبدارانہ استصواب رائے دے ذریعے کشمیریاں دے حق خودارادیت دی حمایت کیتے اپݨا کردار ادا کرݨ ، کشمیری عوام دے حق خود ارادیت گھنݨ تئیں ساݙی بھرپور،ثابت قدم اخلاقی، سیاسی اتے سفارتی حمایت جاری رہسی۔
عالمی برادری مقبوضہ جموں و کشمیر دے عوام کوں اقوام متحدہ سلامتی کونسل دیاں قرارداداں دے مطابق حق خودارادیت گھنݨ کوں یقینی بݨاوے،وزیر خارجہ بلاول بھٹو زرداری
اسلام آباد۔5جنوری(اے پی پی) وزیر خارجہ بلاول بھٹو زرداری جموں و کشمیر دے عوام دے حق خود ارادیت کیتے حمایت دے عزم دا اعادہ...
مضمون کا ماخذ : آن لائن لاٹری ٹکٹ
.jpg)
